Ermənistanda 250-yə yaxın etirazçı saxlanılıb
02 may, 2022 17:28
Ermənistan polisi İrəvanda etiraz aksiyası keçirən 244 nəfəri saxlayıb.
Bu barədə Ermənistan mətbuatı məlumat yayıb.
Qeyd edək ki, bu gün səhər saatlarında İrəvanda müxalifət qüvvələrinin növbəti etiraz aksiyası keçirilib. Paytaxt yollarını bağlamağa çalışan etirazçılar Qarabağla bağlı siyasətə görə hakimiyyətin istefasını tələb ediblər.
Ermənistanda etiraz fəallığının artmasına baş nazir Nikol Paşinyanın Qarabağla əlaqədar danışıqlar prosesi barədə səs-küylü bəyanatlar verməsi səbəb olub. Aprelin 25-dən müxalifət kütləvi etiraz aksiyaları keçirir.
