Kreml sanksiyaları "ikitərəfli silah" hesab edir

Kreml Avropa İttifaqının Rusiya neftinə qarşı tətbiq etmək istədiyi embarqo ilə bağlı müzakirələri izləyir. 

Bu barədə Kremlin sözçüsü Dmitri Peskov bildirib.

Onun fikrincə, Avropa ölkələri Rusiyanın Ukraynadakı hərbi əməliyyatına cavab olaraq tətbiq edilən sanksiyalara görə, artıq “böyük bədəl” ödəyir.

Peskov vurğulayıb ki, Rusiya hakimiyyəti mümkün sanksiyalar üçün “müxtəlif variantları” nəzərdən keçirir:

“Ümumiyyətlə, sanksiyalar sahəsindən, amerikalıların, avropalıların və digər ölkələrin sanksiya istəklərindən danışsaq, bu, ikitərəfli silahdır. Bizə zərər verməyə çalışarkən onlar da ağır bədəl ödəməlidirlər”.