"Rusiya mayın 9-u Ukraynaya müharibə elan edəcək" - Denis Şmiqal
06 may, 2022 16:42
“Rusiya mayın 9-u Ukraynaya qarşı müharibə elan etmək niyyətindədir”.
“Strana” xəbər verir ki, bunu Ukraynanın Baş naziri Denis Şmiqal deyib.
O bildirib ki, tərəfdaş ölkələrin xüsusi xidmət orqanlarının məlumatına görə, Rusiyanın mayın 9-da belə bir addım atmaq niyyəti var.
Qeyd edək ki, son günlər Rusiya Prezidenti Vladimir Putinin mayın 9-u Ukrayna ilə bağlı hər hansı strateji qərarlar verəcəyi fəal olaraq müzakirə olunur. Ukrayna kəşfiyyatı belə hesab edir ki, Rusiya mayın 9-dan səfərbərliyə başlamağa hazırlaşır.
