"Suriya separatçılara dəstək verməyə hazırdır" - Səfir
07 may, 2022 15:04
"Suriya Donetsk və Luqansk "respublikaları"na humanitar yardım da daxil olmaqla dəstək verməyə hazırdır və dünya ictimaiyyətini buna çağırır.
Bu barədə şənbə günü Suriyanın Rusiyadakı səfiri Riyad Həddad Yekaterinburqa işgüzar səfəri zamanı bildirib:
“DNR və LNR əhalisi səkkiz ildən artıqdır Qərbin dəstəklədiyi neonasistlər tərəfindən bombardmanlara, sistemli məhvə və ədalətsiz blokadaya məruz qalıb. Onların hərəkətləri minlərlə qurbana və günahsız vətəndaşı evlərini tərk etməyə səbəb olub. Suriya buna görə də respublikalara qlobal dəstək vermək üçün çalışır”.
Səfirin sözlərinə görə, Suriya rəhbərliyi və xalqı Qərb ölkələrinin hücumuna məruz qalan ölkələrə kömək etməyə hazırdır.
