"Bu, Rusiyanın cavabına səbəb olacaq" - Putin

Finlandiya və İsveç ərazisində NATO-nun hərbi infrastrukturunun genişləndirilməsi Rusiyanın cavabına səbəb olacaq”.

“TASS” xəbər verir ki, bunu Rusiya Prezidenti Vladimir Putin Kremldə Kollektiv Təhlükəsizlik Müqaviləsi Təşkilatına üzv ölkələrin liderlərinin sammitində çıxışı zamanı deyib.

Putin qeyd edib ki, cavabın necə olacağı Rusiyaya qarşı yaranan təhdidlərə uyğun olaraq təyin ediləcək.

Onun sözlərinə görə, NATO-nun genişlənməsi süni xarakter daşıyır: “Rusiyanın Finlandiya və İsveç ilə problemi yoxdur, buna görə də, bu ölkələrin NATO-ya üzv olması Rusiyaya birbaşa təhlükə yaratmır”.