Rusiyadan Finlandiyaya zərbə...
Rusiya Xarici İşlər Nazirliyi 2 rus diplomatının ölkədən çıxarılması və Helsinkinin Rusiya Federasiyasına qarşı konfrontasiya kursu ilə əlaqədar Finlandiyanın Moskvadakı səfiri Antti Helanteryuya etiraz edib.
Rusiya XİN etiraz olaraq Finlandiya səfirliyinin 2 əməkdaşını persona non-qrata elan edib.
“Avropa İttifaqının anti-Rusiya sanksiyaları kampaniyası çərçivəsində Rusiyanın Helsinkidəki səfirliyinin 2 əməkdaşının əsassız olaraq Finlandiyadan çıxarılması, habelə Finlandiyanın Rusiyaya qarşı konfrontasiya kursu, o cümlədən təchizatla bağlı və Kiyev rejimini silahla təmin etmək, Ukrayna millətçilərinin Donbas və dinc əhaliyə qarşı cinayətlərini ört-basdır etməklə bağlı diplomatik missiyanın rəhbərinə kəskin etiraz edilib” - Rusiya XİN-in yaydığı bəyanatda deyilir.
“Səfirə məlumat verilib ki, Finlandiya hakimiyyətinin bu hərəkətlərinə reaksiya olaraq Rusiya tərəfi Finlandiyanın Moskvadakı səfirliyinin əməkdaşlarından 2-nin Rusiya Federasiyasında bundan sonra da qalmasının qəbuledilməzliyi barədə qərar qəbul edib”, - nazirlikdən bildirilib.
