Polşa Rusiya ilə qaz müqaviləsini vaxtından əvvəl ləğv etdi
23 may, 2022 12:37
Polşa hökuməti Rusiyadan qaz idxalı ilə bağlı müqaviləni vaxtından əvvəl ləğv edib.
“RİA Novosti” xəbər verir ki, ölkə müqavilənin 2022-ci ilin sonunda başa çatmasını gözləməyib.
Sözügedən müqaviləyə əsasən, Polşa Rusiyadan ildə 10 milyon kubmetrədək qaz idxal edə bilər. Müqavilə iki ölkə arasında 1993-cü ildə imzalanıb.
Xatırladaq ki, Polşa aprelin 26-sı Rusiya qazına görə ödənişləri Rusiya Prezidenti Vladimir Putinin tələb etdiyi kimi rublla etməkdən imtina edib. Aprelin 27-si isə “Qazprom” şirkəti Polşanın “PGNiG” şirkətinə qaz göndərilməsini dayandırıb.
