Azərbaycanda qızıl istehsalı 90%-ə yaxın artıb
19 fevral, 2025 11:56
2025-ci ilin yanvar ayında Azərbaycanda 236.2 kq qızıl, 375.8 kq isə gümüş istehsal edilib.
Dövlət Statistika Komitəsi xəbər verir ki, ölkədə qızıl istehsalı əvvəlki ilin müvafiq dövrü ilə müqayisədə 88.5%, gümüş istehsalı isə 32.6% artıb.
Qeyd edək ki, 2025-cü il fevral ayının 1-nə Azərbaycanda qızıl və gümüş üzrə hazır məhsul ehtiyatı müvafiq olaraq 207.4 kq və 625.9 kq təşkil edib.
Xatırladaq ki, 2024-cü il ərzində ölkədə 2663.5 kq qızıl, 3184.9 kq isə gümüş istehsal edilib.
