Bundan sonra almanların Rusiyaya münasibəti necə olacaq? - "İROZHLAS" nəşri
Almanların Rusiyaya və Putinə xüsusi lütfü başqa ölkələrdə hiddət doğurur.
Bu barədə Çexiyanın "İROZHLAS" nəşri yazıb.
Almaniyada həmişə Rusiyaya "anlaşılmayan" sentimental həvəs göstərilib. Bu zaman Moskva da çoxdan bəri Berlinə bel bağlayıb.
Rusiyaya və onun avtokratik hakiminə almanca danışan köhnə qitədə xüsusi lütf haradandır? Əlbəttə, Putin ultrasağçıları artıq bir çox illər Qərbin ultraliberal gender siyasətinə özünün düşmən münasibətilə heyran edir. O, həmçinin köhnə davakar solçularda, sülh uğrunda mübarizlərdə və "Qərb imperializminin" tənqidçilərində rəğbət oyadır.
Amma yenə də Putinin bəzi almanlarda heyrət doğurması təəccüb doğurur. Sonuncu savaşın travmaları, əlbəttə, hələ sağalmayıb, xüsusilə almanların doğma yerlərindən qovulması və minlərlə almanın sovet düşərgələrindəki cəhənnəmdə saxlanılması unudulmayıb. Bundan başqa, bu savaşdan sonra "soyuq müharibə" baş verib, bu da Şərqdən olan çoxdankı qorxuya rəvac verib.
Sovet İttifaqı tərəfindən təhlükə həmişə hiss olunub, amma daha çox populyar olan, şübhəsiz, Amerika Birləşmiş Ştatları olub. Onlar kommunizmin əvəzinə azadlıq təklif edib, lakin, başlıca olaraq Marşal planının köməyilə müharibədən sonra almanlar üçün gələcək çiçəklənmənin əsasını qoyub. Moskva isə, əksinə, "Amerikanın həyat tərzinə" qarşı heç nə təklif edə bilməyib.
Buna baxmayaraq, almanlar həmişə Rusiyaya anlaşılmayan sentimental həvəs göstərib. Bu zaman Rusiya da çoxdan bəri Berlinə bel bağlayıb.
Hətta dünya bolşevik inqilabını arzulayan Lenin bu uğurla nəticələnən prosesdə almanlara bel bağlayıb, Almaniya və Rusiya haqqında danışanda isə bu dövlətləri "imperializm qabığında olan cücələr"lə müqayisə edərək, hər ikisinin birlikdə məhv edilməli olduğunu deyib.
Berlin-Moskva oxu
Şərqi Avropa üzrə alman tarixçisi və mütəxəssisi Herd Koenen hətta alman "rus kompleksi", bu, bir növ "qorxu və heyrətin qarışığı" olan alman "rus kompleksi"ndən, rusla bağlı nə varsa "empatik qəbul edilmə və qorxunc inkar etmə"dən danışır.
Koenen güman edir ki, söhbət "Almaniyanın möhkəmlənməsi barədə "latent sürrelialistik təsəvvürlərdən və Berlin-Moskva oxunda mümkün müttəfiqlik münasibətlərdən gedir.
Bunların heç biri alınmayıb (müharibədən öncə Hitler Almaniyasının Stalin Sovet İttifaqının münasibətləri, dəhşətli Molotov-Ribbentrop paktı istisna edilməklə), lakin belə ideyalar bir çox almanların indiyədək ağıllarından keçir.
Vladimir Putinin şəxsiyyətinə gəldikdə, unutmaq olmaz ki, hər şeyi özü həll etmək istəyən (Donald Trampa və, ən əsası, onun tərəfdarlarına nəzər yetirmək kifayətdir) qəddar avtokrat rəhbərlər, təəssüf ki, bütün dünya boyunca dəbdədir.
