Makron Milli Assambleyanı buraxdı və növbədənkənar seçkilər təyin etdi
Fransa Prezidenti Emmanuel Makron Milli Assambleyanın (Fransa parlamentinin aşağı palatası) buraxılması və növbədənkənar seçkilərin keçirilməsi barədə qərar qəbul edib.
O, bu barədə Avropa Parlamentinə (AP) seçkilərdən sonra qərar verib.
“Fransa sakit və ahəngdar hərəkət etmək üçün parlament çoxluğuna ehtiyac duyur. Mən növbədənkənar parlament seçkilərini 30 iyuna, ikinci turu isə 7 iyula təyin edirəm”, - deyə Makron bildirib.
Qeyd edək ki, Avropa Parlamentinə (AP) seçkilərdə hakim İntibah Partiyası ağır məğlubiyyətə uğrayıb. Belə ki, müxalif sağçı Milli Birlik partiyası 32% səs toplayıb və hakim partiyanı iki dəfədən çox (15,4%) qabaqlayıb.
Xatırladaq ki, sonuncu dəfə parlamentin aşağı palatası prezident Jak Şirak tərəfindən 1997-ci ildə buraxılıb.
