ABŞ-ın Ukrayna verdiyi bu silahlar tezliklə tükənəcək - "Bloomberg"
“ABŞ silahlı qüvvələrindəki Javelin ehtiyatlarının üçdə birinə qədəri artıq istifadə olunub. Bir neçə ay ərzində Pentaqon öz ehtiyatlarını boşaltmadan yenilərini təmin edə bilməyəcək. Vaşinqton artıq Kiyevə təxminən 7 min Javelin göndərib".
Bu barədə "Bloomberg" agentliyi yazıb.
Yazıda qeyd olunur ki, Birləşmiş Ştatların Ukrayna üçün daşına bilən hava hücumundan müdafiə silahları - Javelin və Stinger ehtiyatı tezliklə tükənəcək .
Birləşmiş Ştatlar da Stinger MANPADS ehtiyatının dörddə birini tükəndirib, onların istehsalını bərpa etmək üçün bir ilə qədər vaxt lazım ola bilər.
Bloomberg-in məlumatına görə, ABŞ ordusunda daşına bilən raket sistemlərinin istehsalı Covid-19 pandemiyası, mikroçiplər və müdafiə sənayesində ixtisaslı işçilərin çatışmazlığı üzündən ləngiyib.
