"Putin Yanukoviçi aradan götürmək istəyib, amma sonradan onu bağışlayıb" - "QORDON" internet nəşri
Ukraynanın sabiq prezidenti Viktor Yanukoviç Kiyevdə Maydan hərəkatı qalib gəldikdən və o, Rusiyaya qaçdıqdan sonra satqın hesab edilib və ehtimal ki, önun öldürülməsi planlaşdırılıb.
Bu barədə "QORDON" internet nəşrinin təsisçisi Dmitri Qordona müsahibəsində rusiyalı müxalif siyasətçi, Dövlət Dumasının sabiq deputatı, Rusiya FTX-nın ehtiyatda olan polkovniki Gennadi Qudkov danışıb.
"Mənə deyiblər ki, onu fiziki cəhətdən aradan götürmək istəyirlər. Elə məqam olub ki, Rusiya televiziyasında və digər KİV-lərdə kim gəldi onu qamçılayır, təhqir edir, söyürdü...Kremldə Putinin adamları ora-bura qaçaraq, "Vitya bizə atış gəlib", "Vitya bizi pis vəziyyətə qoyub", "Vitya bizi satıb" qışqırıb.
Sonra isə, yadınızdadırsa, bir gündə hər şeyə son qoyulub. Çünki Yanukoviç bağışlanıb. Putin qərara gəlib ki, Yanukoviç hələ ona lazımdır. Ukraynada məsələlər yoluna qoyularsa, bəs kimi dövlətin başına gətirəcəyik? Onlar belə hesab edib və bu gün də hesab edirlər ki, ondan legitim rəhbər yoxdur", - Qudkov deyib.
O, əlavə edib ki, Ukraynada baş verən inqilablar Putini çox qorxudub və o, Yanukoviçin hakimiyyətə gəlişi üçün hər şey edib.
Diktator Ukraynanı özünün gələcək "rus imperiyası" üçün həlledici həlqə hesab edib.
Putin 2004-cü ildə "narıncı inqilab"a, Viktor Yuşşenkoya görə çox narahat olub. Bu, onun üçün çox böyük, nəhəng stes olub, - Qudkov belə deyib.
"O zaman Kremldə Rusiyada da "narıncı inqilab"a oxşar inqilabın baş verməməsi üçün cuddi işlər aparılıb. Bu, həlledici vəzifə olub.
Rusiya prezidenti administrasiyası rəhbərinin o zamankı müavini Vladislav Surkov Ukraynadakı "narıncı inqilab" ssenarisinin Rusiyada baş verməməsi üçün dəridən-qabıqdan çıxıb.
Bu, onlar üçün həddən artıq əsəb yaradıb. Və Putin Yanukoviçin hakimiyyətə gəlişi üçün hər şeyi edib.
Qudkovun sözlərinə görə, Rusiya onun rejiminə nəhəng vəsaitlər yatırıb.
"Orada maliyələşməyən sahə qalmayıb. Mən dəqiq rəqəm deyə bilmərəm, amma mənə deyirdilər ki, söhbət on milyardlarla dollardan gedib. Bu vəsaitlər Yanukoviç və onun rejimi ilə bağlı müxtəlif proqramlara yatırılıb", - Qudkov deyib.
Bu yaxınlarda Milli Təhlükəsizlik və Müdafiə Şurası katibinin dediyi kimi, Ukraynanın Konstitusiya Məhkəməsinin sabiq sədri Aleksandr Tupitski Rusiyanın Ukraynaya 24 fevralda hücumundan sonra Viktor Yanukoviçin legitimləşdirilməsində iştirak etməli idi.
