Britaniya Rusiyanı məğlub etmək üçün xüsusi ordu yaradır? - "Independent" nəşri
20 iyun, 2022 01:50
Böyük Britaniya Rusiyanı məğlub etməyə qadir ordu yaratmalıdır.
"Independent" nəşri xəbər verir ki, bunu Britaniya Baş Qərargahının yeni rəisi Patrik Sanders deyib.
Sandersin fikrincə, Britaniyanın yeni ordusu Avropada müharibəyə hazır olmalıdır:
“İndi müttəfiqlərimizlə bərabər döyüşə biləcək və döyüşdə Rusiyaya qalib gələ biləcək ordu yaratmaq vacibdir. Biz ordunu yenidən Avropada müharibəyə hazırlamalı olan nəsillərik".
“Mən 1941-ci ildən bəri Avropada böyük kontinental gücün iştirak etdiyi müharibənin kölgəsində vəzifəyə gətirilən ilk baş qərargah rəisiyəm. Rusiyanın Ukraynanı işğal etməsi Britaniyanı qorumaq üçün döyüşməyə hazır olmalı olduğumuzu göstərir", - Patrik Sanders vurğulayıb.
