İngiltərə Türkiyədə ikinci çevrilişə hazırlaşır?
"Türkiyə ilə hər cür terrorizmlə mübarizə mövzusunda çiyin-çiyinə dayanmışıq. Bu iddialar axmaqlıqdır və əsassızdır. Türkiyənin demokratik təsisatlarını dstəkləyirik. Türkiyə terrorizmlə mübarizə mövzusunda imtina edilməz bir ortağımızdır."
Bu sözləri İngiltərənin xarici işlər naziri Boris Conson "İngiltərə Türkiyədə 2-ci dövlət çevrilişi cəhdi hazırlayır" iddialarına cavab verərkən deyib.
Səfərdə olan Conson bu ölkədə olmaqdan məmnun olduğunu bildirərək, türk millətini çevriliş cəhdinə qarşı göstərdiyi fədakarlığa görə təbrik edib.
"Türk milləti, demokratik qurumlarının çevrilişçilər tərəfindən məhv edilməsinə icazə vermədi. Türkiyə prezidenti Rəcəb Tayyib Ərdoğan liderliyindəki hökumət və türk xalqı milyonlarla qaçqına ev sahibliyi edərək comərtlik göstərirlər. Türkiyə, Avropa üçün həyati bir rol oynayır. Türkiyə və İngiltərə arasındakı tərəfdaşlığın yalnız iki ölkə üçün deyil, eyni zamanda Avropa və digər bölgələr üçün də əhəmiyyətlidir. Hər il 2.5 milyon ingilis turist Türkiyəyə gəlir, İngiltərə türk məhsulları üçün böyük bir ixrac nöqtəsidir" - deyə Conson qeyd edib.
