Putin Ukraynada "xüsusi əməliyyatı" dayandıracaq? - Lisiçanskın işğalından sonra mümkün ssenarilər...
"Rusiyanın hazırda artilleriya və sursat sahəsində böyük üstünlüyü var. Sadəcə olaraq, Lisiçanskı şəhərini uzaqdan məhv edərdilər, ona görə də qalmağın mənası yox idi".
Bunu şəhərin meri Sergey Qayday BBC radiosunun əməkdaşı ilə söhbətində deyib. Bəs, bu, həm Donbas uğrunda döyüş, həm də daha geniş müharibə üçün nə deməkdir?
Ukrayna üçün həlledici olan Mariupolda olduğu kimi mühasirəyə düşməmək idi. Onların cənub liman şəhərinin müdafiəsi Rusiyanın irəliləyişini həftələrlə ləngitsə də, son nəticə Ukrayna ordusundakı minlərlə ən bacarıqlı əsgərin öldürülməsi və ya əsir götürülməsi oldu.
Ukrayna nəyin bahasına olursa-olsun bundan qaçmaq istəyirdi. Prezident Zelenski gecə müraciətində bunu açıq şəkildə bildirdi: "Biz divarları bərpa edəcəyik, torpağı geri alacağıq, amma hər şeydən əvvəl insanlar xilas olmalıdır".
Sergey Qayday eyni fikirdə olduğunu bildirib: "Qoşunlarımız daha möhkəmləndirilmiş mövqelərə geri çəkildi... Biz Luqanskı 5 ay müdafiə etdik. Həmin müdafiə davam edərkən biz Donetsk vilayətində yeni istehkamlar tikirdik. İndi qoşunlarımız ora getdilər”.
Lisiçanskın süqutundan bir neçə saat sonra prezidentin müşaviri Aleksey Arestoviç hətta Lisiçansk-Severodonetskin müdafiəsini “uğurlu hərbi əməliyyat” adlandıracaq qədər irəli gedib.
"Nəzərə alsaq ki, hazırda hər iki şəhərin üzərində Rusiya bayrağı dalğalanır, bu məntiq bir az yanlış görünə bilər, amma onun fikrincə, onlar uzun oyun oynayır, dəyərli vaxt alırdılar. Bu məntiqi başa düşmək üçün Qərb silahlarının Ukraynanın müqaviməti üçün əhəmiyyətini başa düşmək lazımdır. Bir sözlə, NATO təchizatları olmasaydı, onlar indiki vəziyyətdən daha böyük çətinliklərlə üzləşərdilər", - BBC əməkdaşı yazır.
Məqalədə qeyd olunur ki, onlar Rusiyanın irəliləməsini nə qədər gecikdirə bilsələr, döyüşə bir o qədər təkmil raket və artilleriya sistemləri gətirə bilərlər. ABŞ-ın təqdim etdiyi, artıq fəaliyyətdə olan HIMARS-ın münaqişənin balansını kökündən dəyişdirdiyi deyilir.
Daha çox vaxt daha çox təchizat deməkdir ki, bu da öz növbəsində tərəziləri onların xeyrinə çevirir. Xüsusən də tətbiq olunan sanksiyaları nəzərə alsaq, Rusiya sərf olunmuş texnika və sursatlarını əvəz etmək üçün əziyyət çəkəcək.
Bəs, sonra nə olacaq? Demək olar ki, onların Donbasın qalan hissəsini, xüsusən də son günlər atəşə tutulan Slovyansk və Kramatorsk şəhərlərini ələ keçirməyə çalışacaqları dəqiq görünür.
Slovyanskın 2014-cü ildə ilk qiyamların baş verdiyi yer olaraq separatçı hərəkat üçün xüsusi əhəmiyyət kəsb etdiyi bildirilir. Bundan başqa Rusiyanın daha geniş strategiyası aydın deyil. Donbası nə vaxt ələ keçirməsi isə onların qüvvələrinin vəziyyətindən asılı olacaq.
Prezident Putin bu gün bunu üstüörtülü şəkildə etiraf edərək deyib: “Fəal döyüş əməliyyatlarında iştirak edən və Luqansk istiqamətində uğur və qələbə qazanan bölmələr, şübhəsiz ki, dincəlməli və döyüş imkanlarını artırmalıdır”.
Əgər hələ də sürətli irəliləyişlər əldə edirlərsə, onlar Ukraynanın bütün cənubunu, o cümlədən, Dnepr və ya ondan kənarda da daxil olmaqla, bütünlüklə ələ keçirmək cəhdlərini davam etdirə bilərlər.
Bununla belə, əgər onlar bir çox təhlilçinin də proqnozlaşdırdığı kimi tükənsələr və Putinin eyham vurduğu kimi, Rusiyanın bu genişmiqyaslı müharibə üçün evfemistik ifadəsi olan “xüsusi hərbi əməliyyata” son qoyulacağını elan edəcəklər.
Onlar ümid edə bilərlər ki, birtərəfli atəşkəs Ukraynaya beynəlxalq dəstəyin bir hissəsini götürəcək, ola bilsin ki, Fransa və Almaniyanın, hansı ki, onlar sülhə can atırlar. Ukrayna, şübhəsiz ki, mübarizəni davam etdirəcəkdi, lakin davamlı silah axını olmasaydı, cəbhə xətti 2014-2022-ci illərdə olduğu kimi, donmuş münaqişəyə çevrilə bilər. Bu, qonşusunu qarışıqlıq və iğtişaşlar vəziyyətində saxlayan Rusiyaya yaraşardı.
Hələlik bunların heç biri dəqiq deyil, hər iki tərəf üstünlüyünü iddia edir. Həqiqətən də qeyd etmək lazımdır ki, Ukrayna Donbasda arxada dayansa da, son vaxtlar uğur qazanıblar, xüsusən də bu gün mavi və sarı bayrağın yenidən dalğalandığı İlan adasını geri alıblar. Əmin olduğumuz yeganə şey budur ki, bu müharibə tezliklə başa çatmayacaq, onun nəticələrini növbəti dəfə Donetsk vilayətinin əhalisi çəkəcək.
