"Kremlin hədəfləri Ukrayna ilə məhdudlaşmayacaq..."
ABŞ Dövlət Departamenti Estoniyaya Rusiyanın mümkün təcavüzündən qorunması üçün 6 ədəd "HIMARS" reaktiv sistemlərinin tədarükünü bəyənib.
Bu barədə "Röyters" agentliyi məlumat yayıb.
Dəyərı 500 milyon dollar olan partiyanın tərkibinə həmçinin raketlər, ehtiyat hissələri və "HIMARS"ların maksimal dəsti olan texniki dəstəyi daxildir, onların uçuş məsafəsi 300 km təşkil edir və Sankt-Peterburq limanına çata bilər.
Kremlin hədəflərinin Ukrayna ilə məhdudlaşmayacağı barədə hələ müharibənin əvvəlində NATO-nun baş katibi Yens Stoltenberq deyib.
Dünən Amerikanın ehtiyatda olan briqada generalı, İraq və Əfqanıstan veteranı Mark Arnold bəyan edib ki, Rusiya Gürcüstanın, Litvanın, Latviyanın və Estoniyanın ərazilərini ilhaq etməyə cəhd göstərəcək.
Estoniya ilə yanaşı, Dövlət Departamenti Norveçə dəyəri 950 milyon dollar olan "hava-hava"raket sistemləri tədarükünü də bəyənib.
Öz növbəsində Ukrayna 12 ədəd "HIMARS" sistemləri əldə edib və onların köməyilə son həftələr Rusiya ordusunun 30-dan artıq logistik obyektlərini məhv edib.
Bu barədə Ukrayna müdafiə nazirliyinin nümayəndəsi Aleksandr Motuzyanik deyib. Onun sözlərinə görə, bunun nəticəsində "Rusiya işğalçı qoşunlarının hücum potensialı xeyli azalıb".
