Rusiya ordusu Ukraynada 1969-cu ilin xəritələrindən istifadə etdi
Rusiya komandanlığının bir hissəsi Ukraynadakı hərbi əməliyyatlarda ötən əsrin topoqrafik xəritələrindən istifadə edib.
Xarici agentliklər xəbər verir ki, bu barədə Ukrayna Təhlükəsizlik Xidməti məlumat yayıb.
Verilən informasiyaya əsasən, bununla bağlı sənədlər Xarkov vilayətinin ruslar tərəfindən işğal olunmuş rayonlarının birində ələ keçirilib.
Xüsusilə, 138-ci Qvardiyaçı motoatıcı briqadasının tərkibindəki taborun xəritələrində məlumatların ən azı 53 il (1969) yenilənmədiyi bəlli olub.
"Rusiya ordusunun xəritələrində ötən əsrin 70-ci illərinin əvvəllərindən salınmış Xarkovun Saltovski yaşayış massivi ümumiyyətlə, yoxdur. Həmçinin yetmişinci illərdə tikilmiş Travyanskoe və Murom su anbarları da xəritələrdə mövcud deyil. Ukrayna ilə Rusiya arasında dövlət sərhədi isə tünd qələmlə çəkilir, çünki xəritələrində hüdudlar demək olar ki göstərilməyib”,-deyə rəsmi məlumatda bildirilir.
