Putin etiraf edir? - "Qərbin sanksiyalarına görə..."
Rusiya prezidenti Vladimir Putin ölkədaxili hava nəqliyyatı sahəsinin Rusiyaya qarşı tətbiq edilən sanksiyalara görə zərbə altında qaldığını bildirib.
Xarici agentliklər xəbər verir ki, Kremlin sahibi bu etirafı hökumət üzvləri ilə keçirilən görüşdə bildirib.
Rusiya prezidenti yaranan vəziyyətin “qeyri-adekvat sanksiyalar kontekstində” və “keçmiş Qərb tərəfdaşların qərarları” fonunda gərginləşdiyini vurğulayıb.
"Məhz keçmiş, çünki onlar bizimlə işləməkdən imtina edirlər", - deyə Putin bildirib.
Rusiya lideri buna görə aviasiya sənayesiinin ölkə üçün strateji əhəmiyyət kəsb etdiyini qeyd edib.
Onun sözlərinə görə, məhz aviasənaye yüksək texnologiyalı məhsulların inkişafını stimullaşdırır və iş yerləri yaradır, eyni zamanda, “nəqliyyatın əlçatanlığının təmin edilməsində mühüm rol oynayır”.
