Lavrovla Blinkenin telefon danışığı oldu - Nələr müzakirə olundu?
30 iyul, 2022 01:44
Rusiyanın xarici işlər naziri Sergey Lavrov ilə ABŞ-ın dövlət katibi Entoni Blinken arasında telefon danışığı olub.
Azsiyaset.com xəbər verir ki, tərəflər ikitərəfli münasibətlər, məhbusların mübadiləsi və Ukraynadakı vəziyyəti müzakirə ediblər.
Rusiya XİN-in məlumatına görə, Ukrayna münaqişəsinin müzakirəsi zamanı Sergey Lavrov xüsusi əməliyyatın məqsəd və vəzifələrinin tam yerinə yetiriləcəyini bildirib.
Xarici siyasət idarələrinin başçıları qlobal ərzaq təhlükəsizliyinin təmin edilməsi məsələsinə də toxunublar.
S.Lavrov həmkarına İstanbul razılaşması barədə məlumat verib.
Qeyd edək ki, bu, Ukrayna münaqişəsi başlanandan sonra Rusiya və ABŞ xarici siyasət idarələrinin başçıları arasında ilk telefon danışığıdır.
