"Biz atom bombasını artıq yarada bilərik, amma hələlik istəmirik..." - İAET rəhbəri

"İranın nüvə silahını yaratmaq imkanları var, amma hələlik bunu etmək niyyəti yoxdur".

Bu barədə İranın atom enerjisi üzrə Təşkilatın (İAET) rəhbəri, ölkə prezidentinin müavini Məhəmməd Eslami bəyan edib. Məlumatı "Röyter" informasiya agentliyi yayıb.

"İranın atom bombası yaratmaq üçün texniki imkanları var, amma belə bir proqram gündəlikdə yoxdur", - məlumatda belə deyilir.

İAET rəhbəri bəyan edib ki, İsrailin nüvə silahını yaratmaq niyyətində olduğu barədə Tehranın ünvanına ittihamlarının əsası yoxdur

"Bu yalançı ittihamlar İsrail tərəfindən antiinqilabi qüvvələrinin dəstəyi ilə ictimai rəyi aldatmaq üçün irəli sürülür", - o, belə deyib.

Eslaminin sözlərinə görə, "İranla Atom Enerjisi üzrə Beynəlxalq Agentlik (MAQATE) arasında konstruktiv əməkdaşlıq nizama salınıb və bitkin fəailyyətdədir".

"Bizim nüvə proqramının inkişafı üzrə fəaliyyətimiz MAQATE-nin nəzarəti aıtında nüvə silahının yayılmaması haqqında Müqavilə çərçivəsində həyata keçirilir", - İAET rəhbəri deyib.

"Röyter" xatırladıb ki, bu ilin iyul ayında ölkənin ali dini liderinin müşaviri Kamal Hərrazi deyib ki, İran uranı 60 faizədək zənginləşdirməyə nail olub, bu da hazırda xitam verilmiş 2015-ci il sazişinə uyğun olaraq müəyyən edilən limitin 3, 67 faizdən xeyli çoxdur. Nüvə bombası üçün 90 faizədək zənginləşmiş uran yararlıdır.

Xatırladaq ki, 2015-ci ilin iyununda BMT Təhlükəsizlik Şurasının beş daimi üzvü, habelə Almaniya uzun illər davam edən danışıqlardan sonra İranla atom sövdələşməsi əldə edib, bunun da məqsədi Tehrana nüvə silahı əldə etməyə imkan verməməkdir.

Bu saziş Tehrana ballistik raketlər yaradılmasını qadağan etmir, ABŞ isə buna qarşıdır.