Krımı azad etmək Ukraynaya nə üçün çox vacibdir? - Volker izah edir
09 avqust, 2022 13:02
Ukrayna Krım da daxil olmaqla, bütün işğal olunmuş əraziləri Rusiyadan azad etməlidir, əks halda Putin gələcəkdə təcavüzü davam etdirə bilər.
Bu fikri "Avropa həqiqətləri" nəşrinə ABŞ Dövlət Departamentinin Ukrayna üzrə keçmiş xüsusi nümayəndəsi Kurt Volker bildirib.
"Beş il əvvəl fikirləşmək olardı və mən özüm belə etdim. O zaman belə fikir var idi ki, Donbas Rusiyaya lazım deyil, ona görə ki, onu tez qaytarmaq olar, Krımın qaytarılması isə daha çox vaxt aparacaq. Amma indi müharibə bütün bu fikirləri dağıtdı. Hazırda hər şey əhəmiyyətlidir. Bunsuz Putinin imperiya iştahası yoxa çıxmayacaq. Ona görə indi hətta Krımı Rusiyanın əlində saxlamaq çox risklidir" - Volker deyib.
