Putinin NATO-dakı dostları kimlərdir? - "Politico" nəşri

ABŞ-ın NATO-dakı keçmiş nümayəndəsi İvo Daalder bildirib ki, Rusiya Prezidenti Vladimir Putin NATO üzvü olan ölkələrin iki lideri ilə dostdur. Onun sözlərinə görə, onun təkcə türkiyəli həmkarı Rəcəb Tayyib Ərdoğanla deyil, Macarıstanın baş naziri Viktor Orbanla da isti münasibətləri var.

Bu barədə “Politico”da məqalə dərc edilib.

Putinin ortaq dil tapmağı bacardığı şəxslər arasında İtaliyanın keçmiş baş naziri Silvio Berluskoninin də adı çəkilir.

Eyni zamanda, amerikalı diplomat qeyd edib ki, Rusiya Prezidentinin bütün bu dostları arasında yalnız Rəcəb Tayyib Ərdoğan digər NATO ölkələri ilə xidmətdə olan Qərb avadanlıqlarından istifadə etmək əvəzinə, Moskvadan təkmil hava hücumundan müdafiə raketləri almağa qərar verib.

ABŞ Prezidenti Co Bayden bildirib ki, Birləşmiş Ştatlar transatlantik müttəfiqliyə sadiqdir və Rusiyanın hərəkətləri fonunda arzu olunan gələcək yaratmaq üçün müttəfiqlərlə işləməyə hazırlaşır. O, Vaşinqtonun müttəfiqlərinin təşkilata bağlılığının indi “həmişəkindən daha güclü” olduğunu vurğulayaraq, NATO-nu “vacib olmayan ittifaq” adlandırıb.

NATO-nun baş katibi Yens Stoltenberq də öz növbəsində alyansın Rusiya ilə əməkdaşlığı dayandırmaq məcburiyyətində qalmasından təəssüfləndiyini bildirib . Onun sözlərinə görə, təşkilat Moskva ilə dialoqa açıq qalmaqda davam edir və mövcud riskləri azaltmağa, eləcə də gərginliyin artmasının qarşısını almağa çalışır.

O, həmçinin bildirib ki, “Rusiya bu humanitar fəlakətə görə tam məsuliyyət daşıyır. Moskva dərhal hərbi əməliyyatları dayandırmalı və Ukraynanı tərk etməlidir”.