Krımdakı partlayışı kimlər törədib? - "The Washington Post"
Novofedorovkada (Krım) Rusiya hərbi aerodromunda partlayışlar Ukrayna xüsusi təyinatlılarının əməliyyatı nəticəsində baş verib.
Bu barədə "Washington Post" qəzeti Ukrayna hökumətinin adını açıqlamayan nümayəndəsinə istinadən bildirib.
Nəşr hansı hərbi bölmədən söhbət getdiyini açıqlamayıb. Lakin bundan əvvəl Qərb mediası Ukrayna Xüsusi Əməliyyat Qüvvələrinin Rusiya qoşunlarının arxa hissəsində, o cümlədən Rusiya ərazisində əməliyyatlar təşkil etdiyini yazıb.
"Washington Post”un Ukrayna hökumətindəki həmsöhbəti Krıma hücumun necə təşkil edildiyini də açıqlamayıb. ABŞ hökumətinin adının açıqlanmasını istəməyən nümayəndəsi isə nəşrə bildirib ki, Novofedorovkadakı hücumu, ehtimal ki, Ukrayna həyata keçirib. Onun sözlərinə görə, Kiyev bu hücum zamanı Vaşinqtonun verdiyi silahlardan istifadə etməyib.
Bu gün səhər Ukrayna Hərbi Hava Qüvvələri Novofedorovkada doqquz rus təyyarəsinin məhv edildiyini bildirib, lakin bu məlumatın düzgünlüyünü yoxlamaq mümkün olmayıb",- BBC bildirib.
