Qərbdən sığınacaq istəyənlərin sayı artır - STATİSTİKA
Avropa İttifaqında (Aİ) ilk dəfə sığınacaq üçün müraciət edənlərin sayı artıb.
Aİ ölkələrinə ilk dəfə edilən sığınacaq müraciətləri ötən ilin müvafiq dövrü ilə müqayisədə 89 faiz çoxalıb.
Avropa Statistika İdarəsinin (Eurostat) məlumatına görə, 2022-ci ilin may ayında Aİ-yə üzv ölkələrə 63 105 nəfər beynəlxalq sığlnacaq üçün müraciət edib.
Bu isə 2021-ci ilin may ayı ilə müqayisədə 89 faiz, 2022-ci ilin aprel ayı ilə müqayisədə isə 17 faiz artım deməkdir.
Bu il ikinci dəfə sığınacaq üçün müraciət edənlərin sayı əvvəlki dövrlə müqayisədə 13 faiz, ötən ilin may ayı ilə müqayisədə isə 20 faiz artıb.
Ən çox müraciət edənlər isə suriyalılar olub. Ümumilikdə 8 min 25 suriyalı Aİ ölkələrindən sığınacaq istəyib.
Suriyalıları 7700 nəfərlə əfqanlar izləyib. Üçüncü yerdə venesuelalılar qərarlaşıb.
Ən çox müraciət ünvanlanan Avropa ölkəsi isə Almaniyadır.
