"Rusiya ilə Ukrayna arasında barışıq ola bilməz..." - "Meduza" nəşri
Tanınmış rusiyalı təbliğatçı, "Bereq" ("Sahil") ayamalı İqor Manquşev öz çıxışı zamanı insan kəllə sümüyünü gətirərək, bəyan edib ki, bu, "Azovstal"ın müdafiəçisinə məxsusdur.
Bu barədə "Meduza" nəşri yazıb.
Kəllə sümüyünü əlində oynadaraq, Manquşev əmin edib ki, Rusiya ilə Ukrayna arasında barışıq ola bilməz, çünki rusiyalılar adamlarla deyil, ideya uğrunda döyüşür.
"Siz hələ sağsınız, amma bu oğlan sağ deyil, - təbliğatçı insan qalığına işarə edərək bəyan edib. - Bizim müharibə, sadəcə, qanı və canı insan olanlarla deyil, bu müharibə ideya-antirus dövləti olan Ukrayna ideyası ilə müharibədir.
Nədən heç bir barışıq ola bilməz? Ukrayna ukraynasızlaşdlrılmalıdır. Malorossiyanın rus torpaqları geri qaytarılmalıdır.
Biz insanlarla döyüşmürük, biz ideya ilə döyüşürük. Məhz buna görə də Ukrayna əsgərlərinin faciəsi ondadır ki, biz ideya ilə döyüşürük, ona görə də onlardan nə qədər və necə öldürmək bizim vecimizə də deyil.
Əgər biz insanlarla döyüşsəydik, onlarla barışmaq olardı. Biz deyərdik ki, "qaqaş, nə etməli, belə alınıb, bu, müharibədir". Amma biz ideya ilə döyüşürük, ona görə də bu ideya daşıyıcılarının hamısı məhv edilməlidir, bax, bu "bədbəxt Yorik" kimi oğlan, o, yəqin ki, "Azovstal"ın altında qalmaq istəməzdi, o, sadəcə, lazım olan tərəfi seçməyib. O, "rus dünyası"nın nə olduğunu anlayıb.
Təbliğatçını dinləməyə toplanan publika onun boşboğazlığına müsbət yanaşaraq, Ukrayna əleyhinə sarkazm dolu replikalar səsləndirib.
Manquşevin sözlərini özünün "Twitter" səhifəsində amerikalı diplomat, professor Entoni Makfol şərh edib.
Rusiyalı təbliğatçının nitqini rüsvayçı adlandıraraq, o, "heç də hər şey birmənalı deyil" nəzəriyyəsinin tərəfdarlarını öz baxışlarına yenidən baxmağa çağırış edib.
"İyrəncdir. Mən ümid edirəm ki, bütün "realistlər" bu videoya baxacaq, sonra bizə bu müharibənin, sadəcə, NATO-nun genişləndirilməsinin dayandırılmasına yönələn və imperiya ideyaları və identikliklə heç bir əlaqəsi olmayan müdafiə-preventiv-rasional-məntiqi "xüsusi hərbi əməliyyat" olduğunu izah etməyə cəhd edəcəklər", - Makfol videoya bu sözləri yazıb.
İqor Manquşev 16 avqust 1986-cı ildə anadan olub.
Doğma sosial şəbəkələrdə doğna şəhərinin Moskva, yaşadığı şəhərin isə Beyrut (Livan) olduğunu göstərib.
"Meduza" nəşri müəyyən edib ki, İqor Manquşev Rusiyanın Ukraynaya hərbi müdaxiləsinin "Z" rəmzinin müəllifi ola bilər.
