Albaniya İranı kiberhücumda ittiham edir - DETALLAR
Albaniya sərhəd-keçid məntəqələrində giriş-çıxışı qeydə alan Ümumi İnformasiya İdarəetmə Sisteminə (TİMS) kiberhücum barədə məlumat verib.
Xarici agentliklər xəbər verir ki, bu barədə “Albanian Daily News” saytı məlumat yayıb.
“Eyni təcavüzkarlar tərəfindən Albaniyaya qarşı növbəti kiberhücum dünən gecə TIMS sisteminə qarşı həyata keçirilib”, - Albaniyanın baş naziri Eddi Rama bildirib.
Onun sözlərinə görə, Albaniya müttəfiqləri ilə sistemlərinin müdafiəsini artırmaq üçün işləməkdə davam edir.
Qeyd ki, bu həftənin cümə günü ABŞ Maliyyə Nazirliyi İranın Kəşfiyyat və Təhlükəsizlik Nazirliyinə və onun rəhbəri İsmayıl Xətibə Albaniyanın dövlət informasiya sistemlərinə kiberhücumda iştirakına görə sanksiyalar tətbiq edib.
Xatırladaq ki, iyul ayında Albaniyaya güclü kiberhücum nəticəsində Parlamentin və Baş Nazirin ofisinin internet saytları, eləcə də bütün albanların, xarici rezidentlərin və investorların istifadə etdiyi “e-Albania” portalı dağıdılıb.
