ABŞ silahlı qüvvələrinin döyüş qabiliyyəti risk altındadır - "Qlobal Times China" nəşri
Çinli hərbi analitik Vey Dunsyuy hesab edir ki, ABŞ hərbi sənayesi üçün Çinin nadir komponentlərindən imtina etmək və onlara alternativ tapmaq çətin olacaq.
O, bu barədə Çinin dövlət qəzeti “Global Times China”-ya müsahibəsində bildirib.
Dunsyuy əmindir ki, Vaşinqton Çin məhsulları üçün qısamüddətli əvəz tapa bilsə belə, bu, istənilən halda ABŞ-ın xərclərinin artmasına səbəb olacaq.
“ÇXR nadir torpaq elementlərinin kəşfiyyatı, hasilatı sahəsində tam sənaye xəttinə malikdir. Hazırda bütün yüksək texnologiyalı avadanlıqlarda Çinin nadir torpaq məhsullarını əvəz etmək ABŞ üçün çox çətin olacaq”.
Analitik vurğulayıb ki, Amerika qiymət, kəmiyyət və keyfiyyət baxımından Çin məhsulları ilə müqayisə edilə bilən əvəz tapa bilməsə, bu, F-35-lərin tədarükünə təsir göstərə bilər. Bu da ABŞ ordusunun və müttəfiqlərinin döyüş qabiliyyətinə zərbə vuracaq.
