"Pelosinin səfəri Tayvanı da pis vəziyyətə saldı" - Erməni politoloq
20 sentyabr, 2022 18:26
“ABŞ Konqresinin Nümayəndələr Palatasının sədri Nensi Pelosinin Tayvana səfəri sayəsində Çin bundan istifadə edərək bölgəni dövrəyə aldı, burada özünün ən böyük hərbi təlimlərini keçirdi, indi də mətbuat ÇXR-in Tayvan məsələsini 2027-ci ilə qədər, hətta lazım gələrsə, hərbi yolla da həll etməsindən danışır".
Bu sözlər erməni politoloq Argişti Kiviryan tərəfindən səslənib.
“Bu səfər Tayvanın təhlükəsiliyini hansısa şəkildə təmin etdimi? Xeyr, tam əksinə, bu ada üçün daha ciddi gərginlik və başağrısı yaratdı. Bundan əlavə, bir sıra tayvanlı siyasətçilər bütün bunları çox yaxşı başa düşdülər və səfərdən əvvəl onun ləğvinə çağırdılar, çünki onlar bunun hansı nəticələrə gətirib çıxaracağını anlayırdılar”, - deyə Kiviryan bildirib.
