Putin sentyabrın 30-da Ukraynanın işğal edilmiş ərazilərini ilhaq edəcək - "The Guardian" nəşri
Böyük Britaniyanın Müdafiə Nazirliyi malumat yayıb ki, Rusiya prezidenti Vladimir Putin sentyabrın 30-da Ukraynanın işğal olunmuş ərazilərini Rusiya Federasiyasına qatılmasını rəsmən elan edə bilər.
"The Guardian" xəbər verir ki, Ukraynanın işğal olunmuş bölgələrində keçirilən referendum yekunlaşandan sonra Prezident Putinin sentyabrın 30-u Rusiya parlamentinin hər iki palatasında çıxışı planlaşdırılır.
Putinin bu çıxışı Ukraynanın işğal olunmuş ərazilərinin Rusiya Federasiyasına birləşdirilməsini rəsmən elan etmək üçün real ehtimal hesab edilir. Qeyd olunub ki, Ukraynanın işğal olunmuş bölgələrində davam edən referendumun sentyabrın 27-də başa çatması planlaşdırılır.
Böyük Britaniyanın Müdafiə Nazirliyinin hesabatında həmçinin bildirilib ki, Rusiyanın son döyüş meydanındakı uğursuzluqları və keçən həftə elan edilmiş qismən səfərbərliklə bağlı əhali arasındakı ciddi narahatçılığın yayılması rəsmi Kremlin belə bir addım ataraq ölkədə vətənpərvərlik dəstəyini gücləndirməyə hesablanıb.
