Avropada siyasət və isitmə mövsümü - "Qazprom"un boykot edilməsi, alternativ qaz kəmərlərinin işə salınması
Avropanın əksər ölkələrində isitmə mövsümü başlayıb, lakin bu il onun özəlliyi odur ki, Ukraynanı işğal etdiyinə görə Aİ-nin Rusiya Federasiyasına qarşı sanksiyaları ilə bağlı siyasi aspektlər kommersiya aspektlərindən daha üstündür.
2022-ci ilin fevral ayına qədər Aİ-nin tələbatının ödənilməsində (elektrik enerjisi istehsalı üçün) Rusiya Federasiyasından gələn qazın payı 40% (ildə 150-155 milyard kubmetr) idisə, indi "Qazprom"un məhsullarının faktiki boykotu və Rusiya hakimiyyətinin cavab tədbirləri ilə 9%-ə endirilib.
Xatırladaq ki, Avropa ilə Rusiya Federasiyası arasında 2022-ci ilin aprelində başlayan qaz qarşıdurması sentyabrın 26-da Rusiya qaz kəmərlərində ümumi gücü ildə 110 milyard kubmetr qaz olan “Şimal axını-1” və “Şimal axını-2”də (Rusiya qazının Avrozonaya çatdırılması üçün beş marşrutdan ikisi) diversiya ilə nəticələnib.
