"Rusofobiya ən yüksək həddə çatıb, Avropada və Amerikada soyqırım səviyyəsindədir..." - "Sport-express" nəşri
Şahmat üzrə 12-ci dünya çempionu Anatoli Karpov Cenevrəyə BMT-nin mənzil-qərargahına baş tutmayan səfəri haqqında danışıb.
Bu həftə Rusiyanın məşhur şahmatçısı Anatoli Karpov Cenevrədə BMT-nin mənzil-qərargahında "Dünya çempionu" bədii filminin nümayişində iştirak edə bilməyib.
Bu film vaxtilə dünya çempionu Anatoli Karpovla çempionluğa namizəd Viktor Korçnoy arasında dünya birinciliyi uğrunda mübarizəyə həsr edilib.
Nümayişin təşkilatçıları əfsanəvi rusiyalı qrossmeysteri filmin nümayişində görmək istəyib. Lakin İsveçrə Karpova viza vermədiyindən o, tamaşaçılara videomüraciət etməklə kifayətlənib.
Bu barədə şahmatçı "Sport-express" nəşrinə müsahibəsində danışıb.
Məsələ ən yüksək səviyyədə həll edilib...
"Əlbbəttə, filmin nümayişində iştirak etmək istərdim, - Karpov etiraf edib. - Lakin məlumat tamam başqa səmtə yönəlib. Hər şey sanki razılaşdırılıb. Rusiya vətəndaşları bilməlidir ki, bizə münasibət çox dəyişib. Hətta ölkəmizin tanınmış adamlarına da. İndiki şəraitdə əgər sizin, məsələn, Fransanın verdiyi Şengen vizanız varsa, yalnız bu ölkəyə gedə bilərsiniz, başqa ölkəyə çətin. Alman vizanız varsa, Almaniyaya gedə bilərsiniz.
Mənim Almaniyaya 5 illik Şengen vizam var. Biz İsveçrənin Moskvadakı səfirliyinə məktub yazdıq. Şifahi olaraq bizə dedilər ki, alman vizası ilə mən İsveçrəyə gedə bilərəm. Hər halda bizim Cenevrədə səfirliyimiz nota dərc edib İsveçrə hökümətinə göndərib. Hər şey ən yüksək səviyyədə həll edilib. Bundan sonra proses inkişaf edib, mən İsveçrəyə getməliyəm. Lakin isveçrəlilərin mövqeyi dəyişib.
Görünür, onlar beynəlxalq şəraiti dəyərləndiriblər. Filmin nümayişi 27 sentyabra nəzərdə tutulub. O zaman "DXR", "LXR", Xerson və Zaporojyedə referendumlar sona çatıb. Onlar bu hadisələri bir-birilə əlaqələndirib, anlayıblar ki, bu filmi göstərmək siyasi cəhətdən o qədər də məqsədəuyğun deyil.
Burada bizim Cenevrədəki səfirimiz Qatilov Cennadi Mixayloviçin zəhmətini qeyd etmək lazımdır. O, mümkün olmayanı edib. Məhz onun təşəbbüsü ilə Cenevrədə BMT meydançası bu filmin nümayişinə verilib. İndiki şəraitdə bu, inanılmaz uğurdur. Amma mən gedə bilmədim. KİV-lər məlumat verib ki, məni İsveçrəyə buraxmayıblar. Lakin bu, belə deyil. Mən İsveçrə vizası almalı idim və bu ölkənin konsulluğuna müraiət etməyə mənim zamanım olmayıb.
Tarixin nə idmana, nə də şahmata aidiyyəti yoxdur
İndi sən hər hansı ölkəyə getsən, bunun səbəbini və proqramını izah etməlisən. Mən Almaniyaya gedə bilmədim. Orada hər hansı proqramım olmayıb. Mən Almaniyaya gedib oradan İsveçrəyə gedə bilərdim. Lakin almanlar məndən bunun səbəblərini soruşub. Mən desəydim ki, İsveçrəyə getmək üçün ölkənizdən tanzit kimi istifadə edirəm, məni buraxmayacaqdılar.
Bütün bunlar, sadəcə, bürokratiya deyil. Bu, Rusiyaya və onun vətandaşlarına münasibətdir. Biz bilməliyik ki, hazırda rusofobiya ən yüksək həddə çatıb. Avropa və Amerikada isə rus xalqının soyqrımı səviyyəsindədir.
Mən tamaşaçılara videomüraciət etdim. Hərçənd, şəxsən iştirak etmək tamam başqa məsələdir. İsveç Federasiyası filmi göstərmək istəyib. Lakin viza məsələsinin nə idmana, nə də şahmata aidiyyəti yoxdur. Bu proqramı biz müxtəlif ölkələrdə "İcəsənət birləşdirir" adı altında həyata keçirirk.
Xatırladaq ki, Anatoli Karpovla Viktor Korçnoy arasında şahmat üzrə dünya birinciliyi uğrunda matç 1978-ci ildə keçirilib. Bunda 2 il öncə Korçnoy SSRİ-ni tərk edib, Hollandiyadan siyasi sığınacaq istəyib, nəticədə İsveçrədə yaşamalı olub. SSRİ-ni tərk etdikdən sonra o, sovet vətəndaşlıqdan məhrum edilib və FİDE-nin bayrağı altında çıxış edib. Ona görə də bu matç bir çoxları tərəfindən SSRİ və Qərb ölkələri arasında qarşıdurma kimi qəbul edilib. Oyun 6:5 hesabı ilə Karpovun xeyrinə qurtarıb və o, dünya çempionu adını qoruyub saxlayıb.
"Anatoli Karpov bu filmin həmmüəlliflərindən biri olub. Bu film onun taleyi haqqındadlr. Onun öz taleyi və öz davranışlarından zamana baxışıdır. Film gələcək haqqında düşünməyə sövq edir", - SİTA Cenevrədəki layihə təşkilatçılarından birinin sözlərindən iqtibas gətirib.
