Rusiyalı politoloq Praqa görüşünü yekunlarını şərh etdi
12 oktyabr, 2022 00:21
Siyasi Tədqiqatlar İnstitutunun direktoru Sergey Markov “Moskva-Bakı”ya müsahibəsində Azərbaycan Prezidenti İlham Əliyev və Ermənistanın baş naziri Nikol Paşinyanın Praqa görüşünün yekunlarını şərh edib.
Rusiyalı politoloqun fikrincə, İlham Əliyev özünü sözün əsl mənasında suda balıq kimi hiss edirdi. Lakin Nikol Paşinyan çox gərgin və inamsız görünürdü. O, özünü narahat hiss edirdi.
“Praqa görüşündə bütün təmaslar Əliyevin gücünün, diplomatiyasının, aparıcı mövqeyinin və eyni zamanda, dialoqa hazır olmasının göstəricisinə çevrilib. Əliyev özünə, mövqeyinə arxayındır, məqsədinə çatacağını bilir” – deyə Sergey Markov əlavə edib.
Politoloqun fikrincə, Praqada Əliyev-Ərdoğan tandemi də özünü çox parlaq və ahəngdar şəkildə göstərdi.
