Vaşinqtonda üçtərəfli görüş olacaq?
03 noyabr, 2022 16:13
Bir neçə gündən sonra Azərbaycan və Ermənistanın xarici işlər nazirləri, habelə dövlət katibi Entoni Blinken ABŞ-da görüşəcəklər.
“Armenpress” xəbər verir ki, bunu Ermənistan XİN-in rəhbəri Ararat Mirzoyan deyib.
O qeyd edib ki, Ermənistan-Azərbaycan danışıqlarının davam etdirilməsində maraqlı olan mərkəzlər var:
“Ermənistan müxtəlif platformalarda bu danışıqlarda konstruktiv şəkildə iştirak edir. Xatırladım ki, bir neçə gün əvvəl Rusiya, Azərbaycan və Ermənistan liderləri Soçidə görüşüblər. Bir neçə gündən sonra isə Vaşinqtona gedəcəyəm. Mənimlə Azərbaycanın xarici işlər naziri Ceyhun Bayramov və ABŞ dövlət katibi Entoni Blinken arasında görüş olacaq”.
