ABŞ-da Ukrayna ilə bağlı fikir ayrılığı: General Baydenə qarşı çıxdı - "New York Times" nəşri
ABŞ administrasiyasında Ukrayna münaqişəsinin həlli ilə bağlı fikir ayrılıqları yaranıb.
Azsiyaset.com xəbər verir ki, bu barədə "New York Times" nəşri məlumat yayıb.
İddialara əsasən, mübahisə Ukrayna və Rusiya arasında danışıqların mümkünlüyü ilə bağlıdır.
Belə ki, qəzetin mənbələrinə görə, ABŞ Baş Qərargah Rəisləri Komitəsinin sədri general Mark Milli Ukrayna silahlı qüvvələrinin hücum potensialının tükəndiyinə inanır, bu səbəbdən Kiyevi danışıqlar masasına oturtmaq üçün təzyiqləri artırmağa çağırıb.
Prezident Co Bayden və onun müşavirləri buna qarşı çıxıb. Onlar hesab edirlər ki, hərbi əməliyyatların dayandırılması Rusiyanın xeyrinədir.
Bayden bir müddət əvvəl Ukraynadakı münaqişənin Rusiya qoşunlarının ölkədən çıxarılması ilə bitəcəyini açıqlamışdı. Ukrayna prezidenti Volodimir Zelenski də Rusiya ilə danışıqların mümkünlüyündən danışıb. O, Moskva ilə dialoq qapısını bağlamadığını qeyd edib.
