ABŞ-ın Qafqaz danışıqları üzrə baş müşaviri İrəvana gedir
Noyabrın 28-də Bakıda səfərdə olan ABŞ Dövlət Departamentinin Qafqaz danışıqları üzrə baş müşaviri Filip Riker Tbilisiyə gedib. Modern.az xarici KİV-ə istinadən xəbər verir ki, Riker oradan da İrəvana səfər edəcək.Filip Rikerin İrəvanda baş nazir Nikol Paşinyanla görüşəcəyi gözlənilir.
Riker bununla bağlı açıqlamasında deyib:
“Birləşmiş Ştatlar Ermənistan və Azərbaycan arasında birbaşa dialoqu dəstəkləyir və gələn il də bu tempi saxlamağa çağırır. ABŞ dövlət katibi Entoni Blinken sülhün mümkünlüyünə və Cənubi Qafqazın potensialına inanır. O, məndən bu həftə bölgəyə gəlməyi xahiş etdi”.
Diplomat vurğulayır ki, sülhə nail olmaq prosesi asan deyil, çünki "münaqişə illərdir tərəflərə əziyyət verib".
“Ancaq sülhlü gələcəyə ümid var. Ümid edirəm ki, bu sülh danışıqlarının sürəti qorunacaq. Mən hər iki ölkədən davamlı sülh qura biləcək real, cəsarətli addımlar gördüm”.
