Rusiya Moldovaya hücum edəcək? - Təhlükəsizlik Şurasının rəhbəri
Rusiya 2023-cü ildə Moldovaya hücum planı hazırlayır.
Bu barədə Moldova Təhlükəsizlik Şurasının rəhbəri Aleksandru Musteata bildirib.
Onun sözlərinə görə, bu planın həyata keçirilməsi Ukraynada hərbi münaqişənin inkişafından asılıdır.
“Məsələ Rusiya Federasiyasının Moldova Respublikası ərazisini işğal edib-etməyəcəyi deyil, bunun nə vaxt baş verəcəyidir: ya ilin əvvəlində - yanvar-fevralda, ya da daha sonra - mart-apreldə. Amma bizdə olan məlumata görə, Rusiya Federasiyası bunu etmək niyyətindədir”, - Musteata deyib .
Moldova Təhlükəsizlik Şurasının rəhbəri hesab edir ki, Rusiya Dnestryanı ərazi vasitəsilə ölkəsini işğal etməyi planlaşdırır. O hesab edir ki, hücum üçün Moldovanın Kolbasna kəndində yerləşən Avropanın ən böyük silah-sursat anbarından (orada 20 min ton sursat saxlanılır) istifadə olunacaq.
Moldova Təhlükəsizlik Şurasının rəhbəri Aleksandru Musteata
