Səfirliyə hücumla bağlı yeni təfərrüatlar - Azərbaycan diplomatları istintaqda iştirak edir

Bu gün səhər saatlarında Azərbaycan Respublikasının Tehrandakı səfirliyinə hücumla bağlı bəzi təfərrüatlar açıqlanıb. 

"Khabaronline" xəbər verir ki, basqın nəticəsində səfirliyin təhlükəsizlik qüvvələrinin rəhbəri həlak olub.

Hadisəə baş verərkən Tehranın Şəriəti küçəsində yerləşən Azərbaycan səfirliyinə bir nəfərin daxil olması ilə bağlı polisin 110 saylı mərkəzinə məlumat daxil olub.

Aparılan araşdırmalardan sonra müəyyən edilib ki, "Kalaşnikov" avtomatından atəş açan şəxs 50 yaşlı kişi "Pride" markalı avtomobillə diplomatik korpusun önünə gəlib. Maşında 2 sərnişin olub: 14 yaşlı qız və 7 yaşlı oğlan.

Hücumçu səfirliyin qapısını açaraq silahsız olan mühafizəçini hədələyib, səfirliyə daxil olaraq səfirliyin girişində atəş açmağa başlayıb, Atışmada səfirliyin 43 yaşlı əməkdaşı həlak olub. 30-35 yaşlarında olan digər 2 əməkdaşdan biri qolundan və digəri ayağından güllə yarası alıb.

İranın hüquq-mühafizə orqanları yaralıları təcili tibbi yardım maşını ilə xəstəxanaya çatdırıblar.

Səfirliyə hücumla bağlı Tehranın polis idarəsi diplomatik nümayəndələrin iştirakı ilə motivi araşdırır.