Penitensiar Xidmətdə daha bir intihar - Ceyhun Həsənovun fəaliyyəti araşdırılmalıdır
2023-cü ilin fevral ayı (3 gün öncə) - Penitensiar Xidmətinin Mühafizə Alayının hərbi qulluqçusu, əsgər Mədətov Nurlan İqor oğlu odlu silahdan atəş açaraq özünü öldürüb.
2001-ci ilin may ayı - Penitensiar Xidmətinin Mühafizə Alayının atıcı bölüyünün atıcısı, əsgər, 2003-cü il təvəllüdlü Məhəmməd Teymur oğlu Əliyev keşikçi qülləsində xidmət apararkən ona təhkim olunmuş silahdan atəş açaraq intihar edib.
2020- ci ilin may ayı - Pentensiar Xidmətin əsgəri, 2001-ci il təvəllüdlü Salmanov Polad Nağı oğlu özünü güllələyərək intihar edib.
Hər 3 intihar hadisəsi xidmət zamanı baş verib. Bundan əvvəl baş verən hadisələr zamanı intiharların səbəbləri araşdırılmalı və aradan qaldırılmalı idi.
Statistika göstərir ki, Penitensiar Xidmətdə intihar hadisəsinin sayı hər il artmaqda davam edir.
Bir müddət əvvəl 13 saylı cəzaçəkmə müəssisəsində 1974-cü il təvəllüdlü, əslən Gədəbəy rayonundan olan məhbus Rəsul Zakir oğlu Rüstəmovun özünü asaraq intihar etmişdi. Maraqlısı budur ki, intihar edən məhbus R.Rüstəmov Penitensiar Xidmətin Kadrlar İdarəsinin rəisi, ədliyyə polkovniki Əflatun Məmmədovun qohumudur.
2020-ci ildə Avropa İşgəncələr Əleyhinə Komitəsi (CPT) və İşgəncələrin Qarşısının Alınması üzrə Avropa Komitəsi (İQAAK) Azərbaycan həbsxanalarında çox ciddi qanun pozuntuları aşkarlamışdı. Bu təşkilatlar öz tövsiyələrini versələr də, nöqsanıar aradan qaldırılmadı. Araşdırmalar göstərir ki, beynəxalq məhkəmələr üçün ən etibarlı istinad nöqtələrindən biri məhz CPT-dir. Bu o deməkdir ki, gələcəkdə Azərbaycanla əlaqəli hər hansı beynəlxalq məhkəmə qərarı bu qurumun verdiyi rəylər əsasında da formalaşa bilər.
2019-cu ildə Azərbaycan penitensiar müəssisələrində 93 nəfər ölüb, onların bir neçəsi intihar edib. 2021-ci illə müqayisədə 2022-ci ildə cəzaçəkmə müəssisələrində intihar halları daha da artıb.
Penitensiar Xidmətin biznesmen rəisi, "Halikarnas" restoranın sahibi Ceyhun Həsənov vəzifədən alınmasa, haqqında tədbir görülməsə və bu sahədə köklü islahatlar başlamasa, cəzaçəkmə müəssisələrində spontan və arzuolunmaz hadisələr baş verə bilər.
Müəllif: Samir Feyruzov
