"O, gorunadək neonasist rejimində sadiq qalacağına and içib" - "Cursor" nəşri
Rusiyanın sabiq prezidenti, Rusiya Təhlükəsizlik Şurası karibinin müavini Dmitri Medvedev ABŞ prezidenti Co Baydenin Kiyevə səfərini şərh edib.
Məlumatı "cursor" nəşri yayıb.
"Bayden öncədən təhlükəsizlik zəmanətlərini alaraq, nəhayət, Kiyevə gəlib. Çoxlu silah vəd edib və gorunadək neonasist rejiminə sədaqətinə and içib. Əlbəttə ki, qarşılıqlı surətdə yeni silahların və comərd xalqın bəxş edəcəyi qələbədən ovsunlanıblar.
Burada qeyd etmək vacibdir ki, Qərb həqiqətən olduqca qüsursuz şəkildə Kiyevə silah və pul verir. Həm də NATO ölkələrinin hərbi-sənaye komplekslərinə qazanc əldə etməyə və bütün dünya boyunca terrorçulara silah satmağa imkan verəcək boyük miqdarda verir", - Medvedev yazıb.
Onun sözlərinə görə, son zamanlar Ukrayna əhalisinin sayı kəskin surətdə azalıb. O, bəyan edib ki, 2001-ci ildə siyahıyaalınmanın nəticəsində Ukrayna əhalisi 48, 5 milyon nəfər təşkil edib.
"Sonra 2014-cü ildə Krım və Donbas əldən gedib. Daha sonra xüsusi hərbi əməliyyat və aktiv mühacirət başlayıb. Həm Avropaya, həm də Rusiyaya.
Müxtəlif ekspertlərin dəyərləndirmələrinə görə, ümumilikdə, 25-20 milyon adam ölkədən gedib. Ona görə də Okraina adlanan bu əcaib törəmənin əhalisi 20-25 milyondan çox deyil. Və o, azalmağa doğru meyl edir.
Ona görə də, əlbəttə ki, tanklar və mərmilər vacibdir. Lakin, heç şübhəsiz, insanlar daha vacibdir. Və onlar nə okeanın o tayındakı qocaya, nə də Bank küçəsindən olan narkomanlar bandasına tabe deyil. Onların kütləvi şəkildə ölkədən getməsi gələcəyin kimə məxsus olacağı suala cavabdır", - o, əlavə edib.
