"Ankaranın Bakı-İrəvan siyasəti dəyişməyəcək" - Erməni politoloq
“Türkiyədə hakimiyyət dəyişikliyi olsa belə, bu, Türkiyənin Ermənistanla bağlı siyasətinə təsir etməyəcək”.
“Sputnik Armenia” xəbər verir ki, bu sözləri politoloq Suren Surenyants deyib.
Onun fikrincə, zəlzələ Türkiyənin potensialını təxminən 20 faiz azaltsa da, ambisiyalarını məhdudlaşdırmasından danışmaq hələ tezdir.
Politoloq hesab edir ki, qarşıdan gələn prezident seçkilərində müxalifətin qalib gəlmək şansı böyükdür:
“Ərdoğanın nəyin bahasına olursa-olsun hakimiyyəti saxlamaq istəyi Qərblə münasibətlərdə yeni böhrana gətirib çıxaracaq və onu Rusiya ilə yaxınlaşdıracaq.
Həm Ərdoğan, həm də Kemal Kılıçdaroğlu Ermənistan və Azərbaycan məsələsində böyük fikir ayrılığında deyillər. Türkiyə sütunları bərk bir dövlətdir və rejimlərin dəyişməsi xarici siyasətdə 180 dərəcə dəyişikliyə səbəb olmayacaq”.
