"Ermənistan öz maraqlarını rəhbər tutaraq NATO-nun hərbi təlimlərində iştirak edir" - Ovanisyan
14 aprel, 2023 14:40
“Ermənistan öz dövlət maraqlarını rəhbər tutur və silahlı qüvvələrinin döyüş hazırlığını artırmaq üçün hər şeyi edir”.
“Sputnik-Ermənistan” xəbər verir ki, bunu “Mülki müqavilə” fraksiyasının katibi Artur Ovanisyan parlamentdə keçirdiyi brifinqdə Ermənistan hərbçilərinin NATO-nun KFOR (Kosovo Qüvvələri) və “Saber Junction-2023” təlimlərində iştirakını və Rusiyanın buna reaksiyasını şərh edərkən bildirib.
O qeyd edib ki, Mariya Zaxarovanın izahat tələb etməsi bir qədər anlaşılmazdır: "Ermənistan öz strateji tərəfdaşı olan Rusiya ilə dostluq münasibətlərini davam etdirir. Bundan başqa, biz digər tərəfdaş ölkələrlə də isti münasibətlər saxlayırıq.",-deyə o bildirib.
