BMT-dəki müzakirələr erməniləri yaxın gələcəkdə nələrə məcbur edəcək?

“BMT TŞ-də keçirilən müzakirələr erməni lobbisinin ümidlərini puça çıxartdı. Əksər ölkələr məsələyə yanaşmada Ermənistanın mövqeyini müdafiə etmədi. Ümumi fikir belə oldu ki,məsələnin ədalətli həlli üçün siyasi danışıqlar prosesi davam etdirilməlidir. Və təbii ki, bütün məsələlər Azərbaycanın ərazi bütövlüyü və suveren hüquqları çərçivəsində həllini tapmalıdır. Beləcə, ermənilərin “genosid”, “humanitar blokada” və digər sərsəm iddiaları dünya dövlətləri tərəfindən dəstək qazanmadı. Ən əsası ermənilərin bütün hay-küyünə və yalançı təbliğatına baxmayaraq TŞ-də heç bir sənəd qəbul olunmadı”.

Bunu Rusiya Xəzər Strateji Araşdırmalar İnstitutunun baş direktoru İqor Korotçenko deyib.

O bildirib ki, müzakirələrdə bir sıra dövlətlər Azərbaycanın ədalətli mövqeyini müdafiə etdi:

“Qeyd edildi ki, Ağdam-Xankəndi yolu yüklərin daşınması üçün daha münasibdir. Bu yol təkcə etnik ermənilər üçün yox, Rusiya sülhməramlıları üçün ən əlverişli tranzit xəttidir. Bu yol vasitəsi ilə təkcə ərzaq məhsullarını yox, ağır yükləri də rahatlıqla daşımaq olar. Ədalət naminə deməliyik ki, Ağdam-Xankəndi yolu bu gün üçün ən ideal marşurutdur. Nəzərə alaq ki, burada dəmir yolu da var. Bu isə əlavə üstünlükdür”.

Politoloq Laçın dəhlizinin perspektivi barədə də fikirlərini açıqlayıb: 

“O ki, qaldı Laçın dəhlizinə. Mən hesab edirəm ki, Ağdam-Xankəndi yolu istifadəyə verildikdən sonra Laçın dəhlizini bağlamaq da olar. Çünki, suveren dövlət kimi Azərbaycanın özünün gömrük-sərhəd keçid məntəqələrini müəyyən etmək səlahiyyətləri var. Ermənistanla təmaslar Ağdam-Xankəndi üzərindən qurulsa onda Qarabağa kənardan hansısa döyüş sursatının, silahın və digər qanunla qadağan olunmuş yüklərin daşınması şübhəsi aradan qalxar.

Əminliklə deyə bilərəm ki, Rusiya da Azərbaycanın ərazi bütövlüyünün təminatı baxımından bu ideyanı dəstəkləyir. Və Xankəndindəki ermənilərlə rəsmi Bakı arasında birbaşa dialoqun baş tutması üçün bütün səylərini edir(bizim.media).