Qərb Rusiyanı Cənubi Qafqazdan sıxışdırıb çıxarmaq üçün Azərbaycana təzyiqlərini artırır
“Qərbin Cənubi Qafqazla bağlı planlarında əsas hədəf Rusiyanı bu bölgədən sıxışdırıb çıxarmaqdır”.
Bunu Bizim.Media-ya açıqlamasında Rusiya Xəzər strateji araşdırmalar institutunun baş direktoru İqor Korotçenko deyib.
O bildirib ki, Qərb hər vasitə ilə Rusiyanı oyundankənar saxlamaq istəyir:
“Nəzərə alaq ki, Cənubi Qafqazdan və Xəzər dənizindən Rusiya üçün həyati əhəmiyyətli marşrutlar keçir. Bu marşrutlar iqtisadi sanksiyalar məngənəsində sıxılan Rusiyanın idxal-ixrac əməliyyatlarında xüsusi önəm daşıyır. Şimal-Cənub nəqliyyat dəhlizi indiki vaxtda Rusiya üçün əsas işlək dəhlizlərdən biridir. Qərbin də hədəfi budur ki, bu dəhliz qapansın”.
Korotçenko qeyd edib ki, bu dəhlizinsə açarı Azərbaycanın əlindədir:
“Azərbaycansa Avropanın enerji təhlükəsizliyində xüsusi pay sahibidir. Ona görə də Qərb Azərbaycana birbaşa yox, dolayısı ilə təzyiqlər edir ki, Şimal-Cəbub dəhlizini Rusiyanın üzünə qapadsın”.
