Qərb öz pilotlarını Ukraynaya göndərmək istəmir - "The Times" nəşri
22 avqust, 2023 13:00
Ukrayna hərbi hava qüvvələrinin pilotlarına bu tip təyyarələri idarə etmək üçün təlim keçərkən Qərb dördüncü nəsil F-16 qırıcılarını döyüşlərdə iştirak etmək üçün Ukraynaya göndərməyi düşünmür.
Bu barədə “The Times” qəzeti ABŞ müdafiə sənayesindəki yüksək vəzifəli mənbəyə istinadən məlumat yayıb.
“F-16-nın düzgün şəkildə uçması üçün tələb olunan təlim və ixtisasları nəzərə alsaq, bunun çox real olduğunu düşünmürəm”, - mənbə bildirib. Bu sözlərlə o, ABŞ-dan olan bəzi ekspertlərin orduda xidmətini dayandıran pilotların Ukrayna ərazisinə göndərilməsi ilə bağlı təklifinə münasibət bildirib.
Öz növbəsində, Ukrayna Milli Təhlükəsizlik və Müdafiə Şurasının katibi Oleksiy Danilov "The Times" qəzetinə müsahibəsində bu təşəbbüsü alqışlayıb.
