Priqojinin təyyarəsində ölənlərdən biri ermənidir - Makaryan kimdir?

Rusiya mətbuatının məlumatına görə,  Rusiyanın Tver vilayətində qəzaya uğramış "Embraer" təyyarəsinin göyərtəsində "Makar" çağırış nişanlı "Vaqner" veteranlarından biri, əvvəllər polis işləmiş erməni Yevgeni Vardanoviç Makaryan olub.

Qeyd olunur ki, ki, Makaryan Suriyada döyüşüb və hətta 2017-ci ilin yanvarında Amerika təyyarələri ilə toqquşmadan sağ çıxıb.

38 yaşlı Makaryan Çelyabinsk vilayətinin Maqnitoqorsk şəhərində qapalı həyat yaşayıb və o, heç bir sosial şəbəkədən istifadə etməyib. İllər öncə onun atası bir qətldə mühakimə olunub və sonra sərbəst buraxılıb.

***

Rusiya Federal Hava Nəqliyyatı Agentliyi Tver vilayətində qəzaya uğrayan “Embraer” təyyarəsinin göyərtəsində olan bütün sərnişinlərin və ekipaj üzvlərinin adlarını açıqlayıb.

“Vaqner” özəl hərbi şirkətinin təsisçisi Yevqeni Priqojin və “Vaqner”in komandiri Dmitri Utkinin olduğu təyyarədə Sergey Propustin, Yevqeni Makaryan, Aleksandr Totmin, Valeri Çekalov, Nikolay Matyuseev də olub.

Vurğulanıb ki, “Embraer-135” (EBM-135BJ) təyyarəsinin uçuşu hava məkanından istifadə üçün müəyyən edilmiş qaydada verilmiş icazə əsasında həyata keçirilib.

Qeyd edək ki, qəza nəticəsində 3 nəfər heyət üzvü və 7 sərnişin həlak olub.