Tehran-23 - İrəvan hələ qərar verməyib
20 oktyabr, 2023 17:59
Rəsmi İrəvan Tehrandan xarici işlər nazirləri səviyyəsində “3+3” formatında görüşə dəvət alıb.
“Azadlıq” radiosu xəbər verir ki, Ermənistanın xarici işlər nazirinin müavini Vahan Kostanyan bu məlumatı təsdiqləyib.
O bildirib ki, İrəvan hələlik təklifə cavab verməyib və məsələ müzakirə olunur.
Bundan əvvəl İranın xarici işlər naziri Hüseyn Əmir Abdullahyan Ermənistan Təhlükəsizlik Şurasının katibi Armen Qriqoryanla görüşdə “3+3” platformasının regional problemlərin həlli üçün effektiv format olduğunu bildirib. Sonra Azərbaycan Prezidenti İlham Əliyev də yaxın vaxtlarda “3+3” formatında görüşlərin keçiriləcəyini açıqlayıb. Öz növbəsində, Ermənistanın baş naziri Nikol Paşinyan Ermənistan “3+3” formatında görüşlərə hazır olduğunu vurğulayıb.
