"Maraqlı ölkələr Şahramanyanı ələ alıblar" - Zərdüşt Əlizadə
“Məlim olduğu kimi, separatçı Samvel Şahramanyan təxribatçı açıqlama verib. O, bir müddət əvvəl buraxıldığını elan etdiyi qondarma qurumun ləğv edilmədiyini iddia edib. Hazırda Xankəndidə Azərbaycan bayrağı dalğalanır. Şəhər tamamilə Azərbaycan polisinin nəzarətindədir. Azərbaycan dövləti bütün Qarabağa nəzarəti bərpa edib. Deməli, bu durumda separatçının verdiyi “açıqlama”nın heç bir əhəmiyyəti yoxdur”.
Bunu bakupost.az -a politoloq Zərdüşt Əlizadə deyib.
Onun sözlərinə görə, Ermənistanda hansısa daxili siyasi qüvvələr hakimiyyət uğrunda mübarizə aparmaq niyyətilə fəallıq göstərirlər. Bu isə Azərbaycan dövlətinin siyasətinə zərrə qədər də təsir etməyəcək:
”Böyük ehtimal ki, maraqlı ölkələr Şahramanyanı artıq ələ alıblar və ondan maraqları naminə yararlanmağa çalışacaqlar. Bu ölkələrin əsas maraqları isə Azərbaycana təzyiq göstərməkdir. Amma rəsmi Bakını belə təzyiqlər qarşısında geri çəkilməyə vadar etmək mümkünsüzdür”.
