"Sülh Parisdə Brüsseldə və ya Vaşinqtonda deyil, regiondadır" - Prezidentin köməkçisi
Azərbaycan prezidentinin xarici siyasət məsələləri üzrə köməkçisi Hikmət Hacıyev euroreporter.co-ya müsahibəsində bildirib ki, Azərbaycan regionda təhlükəsizlik istəyir.
"Biz bir-birimizin ərazi bütövlüyünü və suverenliyini tanıyaraq və bütün ərazi iddialarına son qoyaraq, regional təhlükəsizliyin ədalətə əsaslanan yeni arxitekturasını qurmaq istəyirik. Birincisi, sülh və regional təhlükəsizlik Brüsseldə, Parisdə, Vaşinqtonda və ya başqa bir yerdə deyil. Sülh regiondadır", deyə o bildirib.
Avropa Parlamentində bəziləri Bakıya qarşı Azərbaycanofobiya və ya islamofobiya hiss edir. Avropa Şurası bu yaxınlarda Azərbaycanı tənqid edən bəyanat yayıb, biz bunun lazımsız olduğunu düşünürük. Azərbaycanın əraziləri işğal altında olanda Avropa institutları heç vaxt ona ədalətli yanaşmayıb, deyə o, əlavə edib.
"Uzun illər ərzində Gürcüstan, Moldova və Ukraynadakı separatçı birləşmələrə qarşı bir yanaşma, Azərbaycanda separatizmə fərqli bir yanaşma olub", deyən Hacıyev əlavə edib ki, "Fransa kimi Aİ üzvün olan bəzi ölkələr Ermənistanda hərbiləşmə proqramı başladıb". Fransa Ermənistana raket silahları ilə zirehli döyüş maşınları göndərir.
"Biz daim üzv dövlətlərə, o cümlədən Fransaya Azərbaycan ərazisində separatizmi dəstəkləmək və erməni revanşizmini və ya regionumuzda geosiyasi oyunları dəstəkləməmək barədə xəbərdarlıq edirdik. Təəssüf ki, bunu ediblər".
"Hesab edirik ki, bu, tarixi fürsətdir və müvafiq Avropa institutları regionda sülhə nail olmaq üçün problemin deyil, həllin bir hissəsinə çevrilməlidirlər", deyə o, sözünü tamamlayıb.
