"ABŞ Ermənistanla Azərbaycan arasında sülhün mümkünlüyünə inanır" - Metyu Miller
14 dekabr, 2023 12:42
“ABŞ hesab edir ki, Ermənistanla Azərbaycan arasında sülhün əldə olunması tərəflərin əsirləri dəyişdirməsindən sonra mümkündür”.
Bunu ABŞ Dövlət Departamentinin mətbuat xidmətinin rəhbəri Metyu Miller brifinqdə deyib.
“Biz əsir götürülən Ermənistan və Azərbaycan vətəndaşlarının geri qaytarılması, həmçinin əlavə etimad tədbirlərinin müzakirə olunnası barədə xəbərləri alqışlayırıq. Biz inanmağa davam edirik ki, hər iki tərəf bunun üçün çalışmaq istəsə, sülh mümkündür”, - Dövlət Departamentinin sözçüsü bildirib.
Miller, həmçinin əlavə edib ki, ABŞ Bakı və İrəvanla bu istiqamətdə işi davam etdirəcək.
Qeyd edək ki, dekabrın 13-də Azərbaycan və Ermənistan müxtəlif dövrlərdə saxlanılan hərbi qulluqçuların mübadiləsini həyata keçirib.
