Putinin Avropa səfəri... - "The Telegraph" nə yazır?
Rusiya prezidenti Vladimir Putinin Avropa qitəsində yeganə ərazisi olan Kalininqrada gözlənilməz səfəri Avropa İttifaqında təhdid və çağırış kimi şərh edilib.
Rusiya ilə heç bir quru əlaqəsi olmayan Kalininqrad Ukrayna müharibəsi başlayandan bəri Avropa və Rusiya arasında mümkün münaqişənin "qaynar nöqtə"si hesab edilir.
Britaniyanın "Teleqraf" qəzeti Rusiya liderinin Baltik dənizinə yaxınlaşması zamanı İsveçin Qotland adasının sahillərinə döyüş təyyarələrinin yerləşdirildiyini yazıb.
Kremlin sözçüsü Dmitri Peskov bildirib ki, Putinin səfərinin məqsədi NATO-ya xəbərdarlıq göndərmək deyil, iqtisadi inkişafı sürətləndirməkdir. Bununla belə, ekspertlər səfərin arxasında mənalı mesajın olduğunu düşünürlər.
Almaniya müdafiə naziri Boris Pistorius da son açıqlamasında mütəxəssislərin 5-8 il ərzində Rusiyadan bir hücum ola biləcəyinə işarə etdiklərini deyib.
Pistorius Almaniyada 2011-ci ildə ləğv edilmiş icbari hərbi xidmətin bərpasına çağırıb.
